Fernando Beltrán, fíu adoptivu de Grau

La villa reconoz l'estímulu que supón l'Aula de les Metáfores fundada por Beltrán

Llárimes imposibles de parar y un discursu con voz entecortada quiciabes el más difícil de los qu'hasta agora pronunció'l poeta Fernando Beltrán. Un galardón, el de fíu predilectu, qu'asegura nun esperaba, y que reconoz el so altruísmu al donar la so biblioteca a tolos moscones pa construyir un espaciu máxicu, l'aula de les metáfores. Un sitiu que nesti tiempu convirtió a Grau nun focu cultural.

Espertu en traducir vivencies y llevales al papel tendría fácil describir les emociones que güei sintió na villa de so padre. Pudor, como cuando escuchaba'l relatu de quien lu conocen.

Y más lloru d'allegría que se contaxaba al recoyer el títulu pol ésitu d’una idea que se torna n'alcuentros, actividaes y tamién donaciones, hasta cuntar con 8.000 llibros. Un actu que remató cola inauguración d'un bancu con unu de los sos poemes, que va ser llugar pa mirar un mundu que nos lleva al llugar de salida, al heriedu de los antepasaos. Y el de Fernando Beltrán ye Grau.