Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
Fuente: RTPA, 7 de ochobre. 2018 09:35

Fina la sopranu Montserrat Caballé

Se apaga la voz de Montserrat Caballé, la diva española más universal

Taba ingresada dende mediaos del mes de setiembre pasáu

La sopranu Montserrat Caballé finó la madrugada pasada a los 85 años d’edá nel Hospital de Sant Pau de Barcelona, según confirmaron fontes hospitalaries.

La sopranu, con una salú delicada dende facía años, taba ingresada dende mediaos del mes de setiembre pasáu por una dolencia que padecía dende va tiempu.

El funeral de l’artista, una figura de primer relevancia de la ópera a nivel internacional, sedrá’l llunes viniente al mediudía nel tanatoriu de Les Corts de Barcelona.

Montserrat Caballé Folch nació’l 12 d’abril de 1933 nel barriu de Gracia de Barcelona, nuna familia modesta, onde so madre dio-y la so primer formación musical que-y valió pa entrar a los 11 años nel Conservatoriu Cimeru de Música del Liceo con una beca.

Nos sos más de 50 años de carrera, Caballé interpretó cientos d’óperes y conciertos nos principales teatros de tol mundu coles meyores orquestes y repartos, gracies a un repertoriu qu’abarca al rodiu de 90 papeles correspondientes a más de 40 óperes.

© 2025 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL