Joan Manuel Serrat, Premiu Princesa d'Asturies de les Artes 2024

El xuráu ensalza a Serrat como un "referente cívicu" al serviciu de la tolerancia

El cantautor Joan Manuel Serrat, con más de cincuenta años de carrera y autor de 'Mediterráneo', considerada una de les meyores canciones de la música española de tolos tiempos, foi distinguíu esti miércoles por unanimidá del xuráu col Premiu Princesa d’Asturies de les Artes 2024.

Serrat (Barcelona, 1943) grabó más de 500 canciones, más de 40 discos y punxo música a los versos de los poetes más grandes n’español, como Antonio Machado, Miguel Hernández, Neruda, Benedetti, Alberti, Lorca o León Felipe.

Autor d’éxitos como 'Penélope', 'Palabras de amor' o 'Cada loco con su tema', Serrat dio anuncia de la so retirada de los escenarios en 2021 cola xira 'El vicio de cantar 1965-2022', que zarró con una memorable actuación nel Palau San Jordi de Barcelona’l 23 d’avientu de 2022.