L'Academia de Cine Asturianu defende la recuperación de la Filmoteca, desapaecida va 12 años

El Principáu descarta enagora rescatar esta figura

En 2011 Foro eliminó de la estructura orgánica del gobiernu la Filmoteca d’Asturies. El so director foi despidíu y parte de los sos fondos, los más delicaos de celuloide, unviáronse a Madrid pal so caltenimientu. El restu ta nel depósitu de la Biblioteca d’El Fontán.

Acabar con esti espardimientu ye ún de los motivos que l’Academia del Cine Asturianu pon enriba la mesa pa recuperar esti órganu.

Otra ye l’espardimientu del patrimoniu cinematográficu. A pesar de la puesta en marcha de la Film Commission y de Llaboral Cinemateca, Asturies ye la única comunidá que nun tien filmoteca y eso, argumenten desde l’Academia, ye una falta bultable.

L’Academia ve, amás, una oportunidá na nueva llei de cine, que da ayudes a estos organismos. Pero’l Principáu descarta enagora rescatar esta figura.