L'asturiana Natalia Pastor, Premiu Muséu Barjola

El proyectu de l'artista ye 'Barricada doméstica, de dentro a afuera'

El proyectu de l’artista asturiana Natalia Pastor 'Barricada doméstica, de dentro a afuera' ganó la séptima edición del Premiu Muséu Barjola d’artes plástiques, dotáu con 6.200 euros.

Esti galardón que convoca la Conseyería de Cultura, Política Llingüística y Deporte dase al meyor proyectu espositivu creáu específicamente pa la capiya de la Trinidá, del Muséu Barjola de Xixón.

El xuráu acordó por unanimidá conceder esti reconocimientu a un "proyectu de calter instalativu multidisciplinar que continúa una llinia de trabayu mui coherente de la creadora y que ta articuláu al rodiu d’aspectos como la llucha obrera, la interiorización del paisaxe de la cuenca minera del Nalón y l’espaciu domésticu, nel que confluyen los roles de muyer trabayadora, de madre y d’artista".