L'axencia Magnum Photos gana'l Premiu Princesa d'Asturies de la Concordia 2024

Magnum siguirá trabayando por "un mundu más xustu y alloñáu d'estremos y fanatismos"

L’axencia internacional Magnum Photos, fundada en 1947 polos "padres" de la fotografía documental, Robert Capa, Henri Cartier-Bresson, David Seymour y George Rodger, foi galardonada esti miércoles col Premiu Princesa d’Asturies de la Concordia 2024.

Los fotógrafos de Magnum documentaron los más de los acontecimientos más importantes del sieglu XX, ente ellos el desembarcu de Normandía, les revueltes en París en mayu de 68, los movimientos en favor de los derechos civiles y los atentaos del 11-S, y retrataron a personalidaes de tolos ámbitos.

Según detalló l’acta del xuráu que se conoció güei n’Uviéu, Magnum foi distinguida pol so "icónicu y esixente" llabor de fotoperiodismu espardíu a lo llargo de cuasi ocho décades nes que foi "exemplu de llibertá de prensa y asunción de riesgos".