La FADE homenaxa a la confitería Camilo de Blas

El carbayón foi especialmente creáu pa la primer Feria de Muestres, en 1924

La confitería Camilo de Blas recibió güei una reconocencia de manes de la FADE por ser, según dicen, un referente turísticu pa toa Asturies.

Güei ye'l día del Turismu na Feria de Muestres y quixo reconocese la gran trayectoria d'esta pastelería y n'especial del so pastel emblemáticu, el carbayón, que cumple 100 años.

Esti pastel foi especialmente creáu pa la primer Feria de Muestres, en 1924, por encargu del Conceyu d'Uviéu pa representar a la ciudá nesti eventu del branu asturianu.

Nun stand que José de Blas, fíu de Camilo de Blas, el fundador de les famoses confiteríes, presentó na primer Feria de Muestres de 1924 tamién estrenaba'l so icónicu pastel, el carbayón. Güei, 100 años dempués y nesti mesmu llugar, ríndese homenaxe a unu de los pasteleros más famosos d'Asturies

Paloma de Blas, 5ª xeneración de les confiteríes Camilo de Blas, esplica que n'otres dos veces esta pastelería tuvo presencia na Fidma. Foi en 2016 pa presentar el xeláu de carbayón y l'apertura d'una tienda de nuevo en Xixón, y esti, pa celebrar el centenariu del so pastel más icónicu.

El stand d'anguaño quier llamar l'atención y amás de tienda, quixeron convertir esti cachu de la feria nun salón de té tradicional onde esfrutar de los más de 100 años d'hestoria d'esta confitería.