La Ópera d\'Uviéu algama completar tolos títulos de la temporada

'Los pescadores de perlas' estrénase\'l llunes 25 nel Campoamor

La Ópera d’Uviéu algama completar tolos títulos de la temporada. 'Los pescadores de perlas' va munchos años que nun se vía nel Campoamor. L’estrenu’l llunes 25, a les 19:00.

Tien un primer repartu col tenor Celso Albelo y la sopranu rusa Ekaterina Bakanova, na so primer actuación n’Uviéu, que destaca pola so fineza interpretativa.

Una ópera con una orquestación mui rica y dellos momentos corales. Un títulu pocu representáu y una sopranu internacional que debuta nel Campoamor, nel papel de Leila.

La orquesta Filarmonía y el Coru de la Ópera d’Uviéu sobresalen na obra compuesta por Bizet a los 25 años.

La escenografía de Yoshi Oida resalta l’exotismu onde trescurre la trama.

Nel repartu Celso Albelo, qu’acometerá la conocida aria de Nadir, Borja Quiza y la propia Ekaterina, que yá lleva una Cruz de la Victoria como amuletu.