La compañía Oberol-Monza, reconocida col Premiu a la Familia Empresarial d'Afesa

El xuráu valora'l so compromisu cola calidá y l'anovación

La compañía de vestuariu llaboral Oberol-Monza foi reconocida col Premiu a la Familia Empresarial d'Afesa, asociación qu'axunta a más de 200 firmes familiares asturianes. El xuráu valora'l so compromisu cola calidá y l'anovación. Nunos meses van sacar al mercáu prendes feches con poliéster reciclao.

La de la familia Sierra Sánchez ye una hestoria empresarial de más de 65 años venceyada a la industria testil: nació como una camisería y vio na revolución industrial la oportunidá d'empobinar la so actividá al vestuariu profesional.

Per tres xeneraciones Oberol y la so marca Monza saborguiaron l'ésitu y tornaron crisis que los obligaron a adaptar plantiya. Fáenlo centrando'l negociu en tres sectores: la industria, la hostelería y la sanidá, esplica Amador José Sierra, director xeneral d'Oberol-Monza.

Ye tamién la hestoria de los sos trabayadores. Como Ricardo Morilla, que vio en funcionamientu toles máquines que s'esponen na nave y inclusive-y tocó trabayar con dalguna d'elles, como esta estendedora.

María del Mar Alonso empezó na empresa con 15 años y Unai Etxeberría recueye'l so testigu al frente del almacén. Ella guardó los grandes cambeos, como'l tecnolóxicu, pero asegura que la esencia caltiénse.

El retu d'esta compañía, que va recoyer el so premiu'l 3 d'ochobre, ye la sostenibilidá. Nunos meses va sacar al mercáu les sos primeres prendes feches con poliéster reciclao.