La donación d'un particular enriquez l'Archivu Municipal de Mieres

L'archivu guarda más de 12.000 documentos y los más antiguos son del sieglu XVI

L’Archivu Municipal de Mieres alberga yá documentos tan escepcionales como’l proyectu orixinal de construcción del castillete del Pozu Barredo. Cediólos un coleccionista local, que tamién donó llibros dedicaos pol médicu Vital Aza o un planu de la ciudá en 1895.

Na so sección asturiana, l’archivu guarda más de 12.000 documentos y los más antiguos son del sieglu XVI. Ente ellos, predomina la historia y el patrimoniu de Mieres.

Billetes de la República y medayes completen estes donaciones del coleccionista local Joaquín García, coles que sigue medrando l’ayalga documental de Mieres.