La lliteratura, la música y la danza reviven n'Avilés a 'Romeo y Julieta'

Una función a mediu camín ente la traxedia y la comedia

'Romeo y Julieta', de William Shakespeare, sirvió d’inspiración a un montaxe que xune lliteratura, música y danza, y que podrá vese nel Auditoriu de la Casa de Cultura d’Avilés como parte de la iniciativa Artes Escéniques d’Asturies Cultura en Rede del Principáu.

Cristina Gestido, a la viola; Mario Bernardo, al pianu, y los baillarines Daniel Fernández y Maite Ezcurra, de Wettribute, conxugarán n’escena la traxedia de Shakespeare y el ballet de Prokofiev adaptáu por Borisovsky, nesti montaxe tituláu “Romeo y Julieta de cámara”, que podrá vese’l sábadu viniente, 9 d’avientu, a les 20:15.

Son trece númberos del ballet de Prokofiev que podrán esfrutase n’escena, nuna función a mediu camín ente la traxedia y la comedia, dando forma la historia d’amor más famosa de la lliteratura, amestando testos propios de Shakespeare cola danza de los protagonistes, dixo esti martes l’Ayuntamientu nuna reseña sobre l’espectáculu.