La princesa pide 'revitalizar los pueblos' y cudiar el so potencial

El rei anima a los mozos a lluchar pol futuru del mundu rural

El rei animó esti sábadu a los mozos a quedar nos pueblos, a faer de la redolada rural la so manera de vivir y a tresformar "les torgues y dificultaes en posibilidaes de futuru".

Felipe VI treslladó esti mensaxe na so visita, xunto a la reina Letizia, la princesa Leonor y la infanta Sofía, a El Puertu, reconocíu anguaño como Pueblu Exemplar d'Asturies.

La princesa Leonor afirmó nel so discursu que merez la pena trabayar pa que se "revitalicen los pueblos y se cuide'l so potencial", al consideralo esencial pa que la sociedá fortaleza'l mundu rural.

Ye la tercer ocasión na que Leonor de Borbón apurre esti galardón, dempués de que lo fixera en 2019 n'Asiegu y el pasáu añu, en Somáu.

Como nes dos cites anteriores, la princesa d'Asturies centró'l so discursu na conveniencia de caltener l'ámbitu rural y de combatir la despoblación.