Llega a les llibreríes 'Los primeros días. Un reportero atrapado en Wuhan'

La crónica de Jaime Santirso, ún de los pocos reporteros que quedó aislláu na ciudá

Güei cúmplense dos años del confinamientu de Wuhan. L’asturianu Jaime Santirso foi ún de los pocos periodistes internacionales en cuntalu dende la ciudá. Esti martes llega a les llibreríes 'Los primeros días. Un reportero atrapado en Wuhan', la crónica de la so esperiencia. Atendiónos dende la so casa, en Pekín.

Una crónica d’una persona que tuvo nel epicentru de la pandemia. Santirso cunta nestes páxines los sos desplazamientos kilométricos en bicicleta hasta l’hospital que China llevantó en 10 díes, la falta de mazcarines, la saturación de los centros sanitarios y los traxes blancos.

Santirso aterrizó en Wuhan la nueche del 22 de xineru unviáu por El País. Los más de los periodistes abandonaron la ciudad énte’l pieslle darréu. Él nun escuchó les llamaes y al despertar la ciudá yá taba aisllada. Foi ún de los pocos reporteros en cuntalu dende dientro.

La repatriación a España y l’aisllamientu nel hospital de la Defensa Gómez de Ulloa ye’l final d’una crónica, la de los díes nos que camudó too.​