Los premiaos colos premios Princesa protagonizarán 30 actos

Tarán presentes en siete pueblos asturianos

Los premiaos colos premios Princesa d'esti añu protagonizarán 30 actos en siete pueblos asturianos. La Fundación presentó esta mañana'l programa de la selmana qu'arranca'l sábadu 14 d'ochobre coincidiendo cola llegada de los primeros premiaos.

Les Luthiers, Comunicación y Humanidaes impartirán un "Cursu poco estensu d'estensión universitaria", la teóloga Karen Armstrong, premiu Ciencies Sociales protagonizará alcuentros y alderiques na universidá, espaciu que compartirá colos investigadores que detectaron les ondes gravitacionales, premiaos col premiu d'investigación científico técnica.

Habrá música y palabra na cai de la mano de la orquesta moza de la Xunión Europea (Concordia) y de la poesía d'Adam Zagajewski, premiu de les Lletres.

Los xugadores de la selección neozelandesa de rugbi, los All Blacks (Deporte) dirixirán entrenamientos con escolinos que tamién protagonizarán los viaxes d'Huntington, fundador de la Hispanic Society, premiu Princesa de Cooperación Internacional.