Los reis y les sos fíes van recibir un exemplar de 'Oriundos' n’Asiegu

Fernando Fernández recupera nesta obra les hestories de 16 neños del pueblu cabraliegu

Los reis d'España, la princesa Leonor y la infanta Sofía van recibir un exemplar de 'Oriundos' esti sábadu n’Asiegu. El so autor, el mexicanu Fernando Fernández, recupera nesta obra les hestories de 16 neños del pueblu cabraliegu qu'apaecen nuna semeya cabo  so bisagüelu, el maestru ‘Tío Aquilino', tomada n’Asiegu en 1925.

Asturies nun podría entendese ensin reparar nel fenómenu de la emigración, y Asiegu nun ye una esceición. Nel Pueblu Exemplar 2019 naz 'Oriundos', un compendiu de relatos que l'escritor Fernando Fernández compón sirviéndose de la vieya semeya.

El llibru, que s'acaba d'editar n'Asturies, ye un percorríu lliterariu pela hestoria familiar de Fernández que termina fundiéndose col mesmu fenómenu migratoriu y la mesma historia d’Asiegu.

'Oriundos' va ser unu de los regalos que los reis y les sos fíes va recibir na so visita a Cabrales, y la fotografía que la inspira va presidir el llugar nel actu. Una inesperada forma, pa la familia Fernández, de cerrar la so hestoria de dir y volver ente los dos continentes.

Un relatu de desarraigu  y sicasí esperanzador, que güei camudó de protagonistes, pero que sigue amestáu a la mesma esencia tanto d'Asturies como de México.