Lucy Lake anima a toles moces a lluchar pol so futuru

Asegura que la educación de les neñes en países en desendolcu supón un beneficiu pa tola so comunidá ​

Lucy Lake, directora de Camfed, Campaign for Foreign Education, Premiu Princesa d’Asturies de Cooperación Internacional 2021, asegura que la educación de les neñes nos países en desendolcu non solo supón un beneficiu pa elles, sinón pa tola so comunidá, porque deriva en cambeos nel sistema social.

En TPA Noticies falamos con ella y anima a toles moces a lluchar pol so futuru. "El mio mensaxe a les neñes n’Asturies y a les neñes en tol mundu ye que cualquier cosa ye posible. Crei en ti mesma y nel to suañu", dixo .

Lucy Lake esplica que "pa nosotros ye importante amosar qu’una neña, inclusive nunes circunstancies mui marxinalizaes pue llegar a ser líder na so comunidá y que toles neñes tienen el potencial pa ser un modelu que puen siguir otros".