Mieres recuerda a Aníbal Vázquez na ufrienda floral por Santa Bárbola

Sindicatos y partíos políticos apostaron pola continuidá de les fasteres mineres

En Mieres, como cada 4 d’avientu per Santa Bárbola, fízose la tradicional ufrienda floral nel monumentu al mineru.

Un actu nel que tuvo mui presente’l recuerdu, non solo de los mineros muertos, sinón tamién d’Aníbal Vázquez, alcalde de Mieres hasta’l 12 de payares pasáu y impulsor de l’Asociación Santa Bárbola del conceyu.

Sindicatos y partíos políticos apostaron pola continuidá de les fasteres mineres. Ente los compromisos, dar futuru al Campus de Mieres xunto al centru de materia prima del Pozu Figaréu. Tamién defendieron la cultura minera o proyectos como’l centru de rescate del Pozu Santiago n’Ayer.