Mónica Rodríguez, galardonada col premiu Elvira Muñiz

Una reconocencia a la so prolífica carrera dedicada a la lliteratura infantil y xuvenil

Mónica Rodríguez foi una de les galardonaes colos Premios Elvira Muñiz 2021, premiu que da la Feria del Llibru de Xixón, en reconocencia a la so trayectoria lliteraria dedicada a la lliteratura infantil y xuvenil. Un premiu que nun esperaba y que recibe con muncha ilusión porque s’empondera un xéneru que, a vegaes, nun tien reconocencia.

La escritora uvieína Mónica Rodríguez recíbenos na so casa, ilusionada, dempués de la noticia de la concesión del premiu María Elvira Muñiz. Una reconocencia a la so prolífica carrera dedicada a la lliteratura infantil y xuvenil.

Con dellos galardones yá, reconoz que los premios dan sen a la so obra, pero amás ayuden a siguir viviendo de los llibros. La pandemia, asegura, tamién fizo valorar la llectura.

Cuasi 60 obres asoleyaes, daqué inimaxinable, confiesa, cuando va 11 años dexó’l so trabayu como física pa dedicase a escribir. Un mundu que la apasiona.

Inxerta yá en nuevos proyectos pa un públicu que tien una sensibilidá diferente, y el sentir el so cariñu, cunta, ye lo más gratificante del so trabayu.