Mual espierta dempués d’un día históricu

Los vecinos recuerden les anécdotes que dexó la visita real

En Mual traten güei de volver a la rutina dempués de la xornada festiva vivida ayeri cola visita de los Reis y la entrega del Premiu al Pueblu Exemplar 2018. Güei toca recoyer pero tamién comentar tolo que se vivió y recordar les anécdotes que dexó la visita real.

El xentíu d’ayeri dio pasu a la calma qu’hai davezu nesti llugar a les puertes de Muniel.los, pero la xera sigue en Mual un día dempués de recibir el premiu.

De los más mayores, a los más pequeños, pocos quedaron ensin dar la mano a los Reis o sacar una semeya. Pal recuerdu queden los momentos y anécdotes de la xornada, ente les más comentaes, la tirada de bolu vaqueiru de Don Felipe.

Mientres el pueblu vuelve poco a poco a la rutina, na mente de toos un deséu: qu’esti día sirva pa dar un nuevu emburrión a Mual.

Enagora, güei los primeros turistes dexábense ver pel pueblu y yá entamaron a sonar proyectos, como la reapertura de dalgún de los chigres que tuvo’l pueblu.