Munchu ambiente nes cais d'Uviéu, a pesar del agua

Una xornada mui importante pa los comercios de la ciudá

Cinco años lleven Trinidad Fernández y Moisés Sánchez intentando consiguir invitaciones pa siguir en directo la entrega de los Premios Princesa. Anguaño por fin escoyéronlos como públicu y nun duldaron en viaxar dende Córdoba a Uviéu. Lo mesmo que Carmen Bellido, que vien dende Castellón.

Yá dende primer hora siguieron de cerca tolo que socedía nel Hotel Reconquista. Al igual que munchos curiosos pa quien esti día, ye mui especial.

Nin l'agua quixo perdese esti día, anque provocara menos ambiente del avezáu pela redolada del Teatru Campoamor, onde ventanes y balcones yá tán engalanaos pa recibir a los premiaos y a la familia real.

Una xornada que tamién viven con ganes los comercios cercanos.

Ye parte de la ilusión qu'espierta'l día más importante del añu pa la ciudá d'Uviéu.