Navelgas acueye'l XXIII Campeonatu Nacional de Batéu d'Oru

Más de 300 participantes vinientes d'España, Xapón, Italia y Francia, ente otros países

Navelgas acueye esti fin de selmana’l XXIII Campeonatu Nacional de Batéu d’Oru. Una tradición que va sumando siguidores añu a añu, con más de 300 vinientes d’España, Xapón, Italia y Francia, ente otros países.

Navelgas ye conocíu pol oru y too gracies a los restos de mines romanes qu’hai na zona y tamién a la primer mina d’oru d’España.

Una tradición, la del batéu d’oru, qu’entamaron Enrique Sanfiz, Eustaquio Fernández y Manolo Linares y que fueron tresmitiendo de fíos a ñetos pa llegar al éxitu d’enagora.

Les tradiciones lleguen a toes partes. Hideko Nakano ye un claru exemplu de cómo’l batéu d’oru enganchóla y dexóla conocer al so home, el tamién bateador Luca Pasqualini.

Gracies al batéu llegó una pareya pero tamién se formaron families como ye la viniente de Madrid na que participen tanto padres como fíos.

Un campeonatu que cumple 23 ediciones y que ye Fiesta d’Interés Turísticu Nacional.

Navelgas, el ríu, l’oru y les batees formen parte de la cultura y la vida de persones vinientes de tol mundu.