Ópera pa la infancia rural

Alumnos y alumnes d'ocho centros educativos de zones rurales asturianes esfrutaron de 'Dolce Cenerentola'

Sobre les tables del Campoamor, dos personaxes fácilmente reconocibles pal públicu infantil: les hermanastres de Cenicienta. Tamién la protagonista, a la que da vida Serena Pérez.

Ente los asistentes, alumnos y alumnes d’ocho centros educativos de zones rurales asturianes.

Una representación que forma parte d’un proyectu d’investigación coordináu pola Universidá d’Uviéu y que trata d’averar esti xéneru al alumnáu d’Educación Infantil que vive lloñe de les ciudaes.

Neños y neñes, d’ente 3 y 6 años, pudieron esfrutar de ‘Dolce Cenerentola’, una adaptación de la ópera ‘La Cenicienta’ de Gioachino Rossini. Llegaron de Llanes, Cangues d’Onís, Teberga o Tinéu pa ocupar una butaca nel Campoamor.

Ficiéronlo dempués de trabayar nel aula, 12 selmanes y dende una perspectiva llúdica, dellos materiales que democraticen l’accesu de los neños a la ópera.

La doble función de güei foi como colofón a esti proyectu d’investigacion que nació va dos años, na etapa más dura de la pandemia, cola idea d’usar la música como vehículu de conocimientu na Educación Infantil.