Patricia Valmurián propón una reflexón sobre la mediocridá nel so nuevu poemariu

Ernst Jünger inspira 'Así fue el triunfo de la nada'

La escritora Patricia Valmurián propón una reflexón sobre la mediocridá nel so nuevu poemariu, 'Así fue el triunfo de la nada'. La obra ta inspirada n’Ernst Jünger.

Pal filósofu alemán, emboscaos son aquellos individuos qu’algamen caltener la so individualidá y el so vitalismu nun mundu que s’esbarrumba. Emboscaos, por exemplu, son los poetes.

'Así fue el triunfo de la nada' ta escritu como un diálogu de conciencia, como una conversación ente la nuestra parte emboscada y el nuestru llau sumisu. Ye, poro, un poemariu que tien que lleese d’entamu a fin, como una historia qu’invita a fuxir del ruíu. D’esti llibru puen sacase delles llectures: política, filosófica, sociolóxica y, tamién, poética.

Editáu pol sellu asturianu Gravitaciones, preséntase nel Arqueolóxicu d’Uviéu. Un llugar nel que Valmurián dio talleres d’escritura creativa. Clases nes que pidía a los participantes a observar y observase, como ella practica.​