Pineville movilízase pa que'l so profesor d'español nun seya deportáu

Alumnos, vecinos y políticos puxen pa qu'Inmigración revise'l casu d'Ernesto García

La comunidá de Pineville, nel estáu de Kentucky (EEXX), movilízase pa que'l so profesor d'español nun seya deportáu. Llámase Ernesto García y ye asturianu. La denegación d'un nuevu visáu que-y dexaría siguir dando clas oblígalu agora a dexar el país cola muyer y la fía.

Viaxó a Estaos Xuníos fai 10 años dientro del programa 'Profesores Visitantes' y los últimos cinco pasólos en Pineville, en Kentucky. Pa siguir dando clas necesita otru tipu de VISA y un error de la escuela na so solicitú, fixo que-y la refugaren.

Nel casu de que nun abandone'l país, cola so muyer y la so fía nel plazu afitáu, nun van poder volver entrar. Un nuevu pidimientu de visáu tando n'España tampoco-yos asegura, espliquen, el regresu. Cola so vida fecha ellí, Ernesto García y la so familia gárrense al ésitu que puean tener les movilizaciones de los sos vecinos.

Los sos alumnos rexistraron un pidimientu na plataforma Change.org a la que tán sumándose tamién cola so firma ciudadanos españoles, pa que'l so queríu profesor puea siguir dando clase nes sos aules.