Sesta edición de la Gala Internacional de Ballet nel Teatru Xovellanos de Xixón

La exhibición va cuntar con estrelles europees del ballet, coreógrafos del sieglu XX y XXI, y dances clásiques

Torna la sesta edición de la Gala Internacional de Ballet nel Teatru Xovellanos de Xixón de la mano del xixonés Álvaro Rodríguez. L'espectáculu va cuntar cola participación de nueve baillarinos internacionales.

El director de la gala asegura que l'oxetivu ye defender l'arte y fomentar la danza pa que los xixoneses tengan accesu a la cultura.

Nesta gala destaquen les coreografíes de les grandes figures internacionales del panorama actual de la danza. Ente ellos, destaca la baillarina estrella del Ballet de la Ópera de Viena, Liudmila Konovalova; el solista de ballet de la Ópera Nacional de París, Antonio Conforti o la estrella del ballet de la Ópera de Toulousse, Natalia de Froberville.

Álvaro Rodríguez anima al públicu a que s'entaíne pa mercar la so entrada porque asegura que queden mui poques disponibles.