Shigeru Ban interésase polos horros

L'arquitectu tien un alcuentru col públicu na Fábrica de La Vega​

Shigeru Ban Premiu Princesa d’Asturies de la Concordia, visitó’l pueblu de Güeñu y el Centru d’Interpretación del Horru. L’arquitectu xaponés, que s’amosó mui interesáu tol percorríu, pudo conocer de primer mano esti tipu de construcción típica asturiana.

Acompañáu de dalgunos espertos na materia, percorrió parte del pueblu recibiendo esplicaciones y conociendo distintos tipos d’horros. Reconoció que ta familiarizáu cola so estructura porque, en Xapón, hai construcciones asemeyaes.

Enantes de dexar Güeñu, Shigeru Ban esfrutó d’un culín de sidra y d’un cachu de bollu preñáu.

Shigeru Ban quixo, amás, tener un alcuentru col públicu, na Fábrica de La Vega d’Uviéu.