TPA, la quinta televisión autonómica más vista polos espectadores

Meyor resultáu mensual dende mayu de 2011 y el sestu más altu nel históricu de la cadena

TPA foi n’agostu la quinta televisión autonómica más vista polos espectadores, rexistrando una cuota de pantalla del 8,4%. La cadena medra 1,3 puntos dende xunetu (+18%) y 1 puntu dende agostu de 2021 (+13%) na comparativa interañal.

El datu supón el meyor resultáu mensual dende mayu de 2011 y el sestu más altu nel históricu de la cadena.

Frente al mesmu mes d’años anteriores, ye la tercer meyor cuota n’agostu (8,6% en 2009, y 8,5% en 2008).

A estes altures del añu, la cadena promedia un 7,6% de media. Nel medmu periodu de 2021, el 'share' añal de TPA asitiábase nun 6,9%.

Tamién A8, la segunda canal de la cadena, rexistró’l so récor históricu mensual con una cuota de pantalla del 1,4%.