TPA estrena esta nueche, dende les 22:30 hores, 'L'horru', una serie documental de 5 capítulos que nos avera al desconocíu mundu del horru asturianu pa tresmitir el so valor testimonial, técnicu y artísticu, y el so venceyu sentimental col pueblu que lu diseñó.
Esta producción cinematográfica fecha poles productores asturianes, La Rebequina y Art&Life, amosarános cada horru d’una forma nunca nun vista hasta la fecha. Al traviés d’imáxenes aérees y illuminación nocherniega descubriremos los horros como los auténticos monumentos que realmente son.
En cada capítulu, 'L'horru' percuerre un sieglu na historia d’Asturies al traviés de los sos horros y paneres, del sieglu XVI a anguaño. Na autocaravana del periodista y director Jaime Santos percorreremos tola xeografía d’Asturies pa ver cómo se construyen y cómo se treslladen los horros, la so evolución nos sieglos y la so constante adaptación a les necesidaes de cada época.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL