Tito Bustillo tuvo 390.000 visitantes nos sos primeros 10 años de vida

Berta Piñán presenta la esposición "L'arte que salió de los covarones" que conmemora'l so aniversariu

Cerca de 390.000 visitantes pasaron pel Centru d'Arte Rupestre y la Cueva de Tito Bustillo nos sos primeros 10 años de vida, aniversariu que se va conmemorar cola esposición "L'arte que salió de los covarones" y una serie d'actividaes culturales que se van llevar alantre ente'l 13 y el 24 de marzu.

La conseyera de Cultura, Berta Piñán, foi la encargada de presentar la programación y d'inaugurar güei esta esposición, que va poder visitase hasta'l 13 de xunu. El so montaxe va cuntar cola collaboración de la Xunta de Castiella y Lleón y del programa Interreg Europa.