Últimes hores pa esfrutar del 'Puertas Film Fest'

Pue esfrutase de distintes esperiencies artístiques

Nel ‘Puertas Film Fest' amás de proyectar cine, tamién se rueda y de eso encárguense Carla Cañellas y Eugenio Tardón que convirtieron la cuadra de María nun improvisáu estudiu de cine, plató y sala de montaxe. Asina lo cunta Francisco Alonso, presidente de l'Asociación Cultural Puertas Film Fest.

Al traviés d'un taller musical con una metodoloxía inspirada nos colores, créase la banda sonora d'una película colaborativa y coral que narra una hestoria na que s'honra a la natura. Asina lo espliquen tanto Carla Cañellas, artista visual y codirectora de 'Recuérdame verde'; y Eugenio Tardón, director de fotografía y codirector de 'Recuérdame verde'.

Amás del Séptimu Arte, estos díes en Puertas (Cabrales) tamién pue esfrutase d'otres esperiencies artístiques como obres espuestes pa dar la bienvenida a los visitantes o salíes en grupu pa dibuxar albentestate.