Un muséu etnográficu virtual pa esparder la etnografía y tradiciones asturianes

Tonín Álvarez xestiona una canal de YouTube llamada 'El trasterín de Tonín'

Un muséu etnográficu virtual pa esparder la etnografía y tradiciones asturianes. Ye lo que ta faciendo l’ayerán Tonín Álvarez. Con 70 años, graba y xube vídeos a la so canal de Youtube 'El trasterín de Tonín', nos qu’esplica’l funcionamientu de centenares de preseos que foi coleccionando.

Failo con munchos presos de los años 20 a 50 del sieglu pasáu y que foi comprando nes últimes cuatro décades. Dende 2021 xubió 104 vídeos, algamando 42 mil visites y 328 siguidores.

El visitante alcuentra dende la zona de la cocina tradicional con patentes de potes a gramófonos de los años 30 qu’entá suenen. Amás d’una zona de texíu na que ver el procesu de fabricación de llana.

L’amuesa tará hasta setiembre, pero’l conocimientu de Tonín nun acabará equí. La so intención ye siguir coleccionando pieces y apurriendo conteníu a esti muséu etnográficu virtual.