Una escultura de Navascués, nueva obra convidada del Belles Artes

'Umbral' ye una pieza de madera de pinu bálticu y llápices de color

La escultura ‘Umbral' fecha pol artista José María Navascués en 1976 y qu'anguaño forma parte del Muséu de Arte Abstracto Español de Cuenca ye la nueva obra convidada del Belles Artes d'Asturies que va poder vese nos próximos tres meses.

Ye la primer vegada qu'esta pieza, diseñada por una de les figures clave na plástica asturiana de la segunda metá del sieglu XX y que forma parte de la Colección Fundación Juan March, s'espón fuera de la pinacoteca conquense.

La escultura de Navascués (Madrid, 1934-Uviéu, 1979) ye una pieza de madera de pinu bálticu y llápices de color y ta concebida a partir d'una forma elemental, próxima al arte postminimal de los años setenta.