Xixón celebra la bendición del agua per San Pedro

Manifestantes reivindiquen la llaicidá de les instituciones na bendición del agua

Per San Pedro, en Xixón tuvo llugar la bendición del agua. Amás, el barriu de Cimavilla foi’l protagonista del sermón del párrocu de la ilesia de San Pedro, que pidió al ayuntamientu que se fagan los proyectos pensaos pa la zona.

A los pies de la entrada al templu, un bustu de San Pedro, fechu pola mocedá cofrade, recibía a les autoridaes civiles, militares y eclesiástiques que, como cada 29 de xunu veneren al Santu, patrón de la ciudá. La so imaxe presidió nel esterior la bendición del agua dempués de la misa solemne.

Un ritual mui popular siguíu por cientos de fieles con música sonora de 'Las Voces de Cimadevilla'. El barriu foi’l protagonista del sermón del párrocu de San Pedro, que pidió al gobiernu local acelerar los cuasi 20 proyectos pensaos pa remocicalu y equipalu con más servicios.

Imáxenes que dexa una celebración relixosa onde, otra vuelta, tuvieron presentes representantes d’Asturies Laica. La presencia de poderes públicos n’actos relixosos como’l de güei ye, a xuiciu de la trentena de manifestantes axuntaos n’El Campu Valdés, inconstitucional y irrespetuosa.