Xornada plagada d'imáxenes pal recuerdu en Cadavéu

La lluvia nun pudo colos cientos de persones que s'aconceyaron nel Pueblu Exemplar 2022​

La visita de la familia real a Cadavéu, el Pueblu Exemplar d’Asturies d’esti añu, dexó imáxenes pal recuerdu.

Una xornada na que vimos hasta al presidente del Principáu, Adrián Barbón, facer de fotógrafu pa los vecinos, inmortalizando la visita.

Día especial tamién pa los más pequeños que-y regalaron a la princesa y a la infanta un dibuxu. Una xornada enllena d’imáxenes que nun escaecerán.

La confianza colos reis fizo qu’hasta’l pregoneru-yos ufiertare la Regalina como llugar pa formalizar el compromisu, si les sos fíes deciden casar dalgún día.

Cadaveú vivió per tolo alto la visita real. Nin la lluvia pudo colos cientos de persones qu’aconceyaron nel Pueblu Exemplar 2022 pa vivir un día históricu.

Anque la espera fízose más llarga de lo que pensaba, Cadavéu recibió a los reis y a la princesa Leonor, dalgunos con unes vistes d’escepción. Foi una mañana de nervios, d’emoción por poder da-yos la mano o, simplemente, intercambiar unes palabres.

Una xornada que nun escaecerán vecinos y visitantes. Agradecíos por un día, aseguren, históricu y que munchos guarden yá nel so particular álbum de semeyes.