Ítaca conviértese nel últimu finalista del Festi AMAS
El grupu amiesta dende funk y soul hasta pop-rock
Ítaca gana la séptima semifinal del Festi AMAS y conviértese nel últimu finalista.
El grupu, qu’amiesta dende funk y soul hasta pop-rock, impúnxose’l sábadu en L.luarca a Doctor Nekro, Kinich y Kilika Santa nuna semifinal que podrá vese bien llueu en TPA.
Venti minutos de conciertu que sirvieron pa convencer al xuráu. Agora, espéra-yos la final n’Uviéu, nes fiestes de San Matéu, onde siete grupos competirán por ganar la undécima edición d’esti festival.