Webcams
Buscar
Ensin barraques nes fiestes de San Agustín
El CXL Certame de Ganáu de San Agustín d'Avilés cuntará con 370 reses
El CXL Certame de Ganáu de San Agustín d’Avilés cuntará con 370 reses vinientes d’un total de 83 ganaderíes, ente les que tán les races bovines d’asturiana de los valles, asturiana del monte y parda de monte, amás d’asturcones, oveyes xaldes, gochu asturcelta, cabra bermeya y pita pinta.
L’históricu certame tendrá llugar dende’l domingu viniente, 25 d’agostu, hasta’l miércoles, 28, nel Pabellón d’Esposiciones de La Madalena, n’horariu de 10:00 a 20:00 hores, informó esti xueves l’Ayuntamientu d’Avilés.
Nel certame participarán 52 vaques de la raza parda de monte vinientes de 13 ganaderíes, 78 reses d’asturiana del monte y 240 exemplares d’asturiana de los valles -tipos normal y doble grupa-, amás de 36 asturcones.
Ensin barraques nes fiestes de San Agustín
Los feriantes que pensaben instalase n’Avilés pa les fiestes de San Agustín aseguren que presentaron tola documentación solicitada pol Ayuntamientu y que lo ficieron en plazu como otros años.
Dende la Conceyalía de Fiestes aseguren qu’intentaron hasta última hora resolver esta situación pa evitar qu’Avilés quedare ensin barraques. Daqué que llamenten tamién munchos vecinos.
Los feriantes esperen que, de cara a les fiestes de Navidá, puean resolvese les diferencies y volver a instalar les sos atracciones n’Avilés pa esfrute de la reciella.
