Valdepares preséntase a Pueblu Exemplar nel centenariu del so colexu

El 'Llamparego', un páxaru en peligru de desaniciu, símbolu de la candidatura

La fecha escoyida por Valdepares (El Franco) pa presentase a Pueblu Exemplar nun foi al azar. Fáenlo en 2024, nel aniversariu del so colexu públicu: 100 años d’historia. Baxo’l lema 'Una escuela que hace pueblo... un pueblo que es escuela', delles asociaciones vecinales y educatives d’esta parroquia d’El Franco xuniéronse pa optar al premiu.

Editaron un llibru nel qu’amuesen les fortaleces de la candidatura, qu’axunta a más de 700 vecinos. En portada, el 'Llamparego', un páxaru en peligru de desaniciu, del que podemos alcontrar unos pocos exemplares na zona y que quieren convertir en símbolu.

Amás, de con paisaxes de gran belleza, como El Cabo Branco, con gran historia, una ayalga arqueolóxica única n’Asturies.

Candidatura basada, aseguren los sos impulsores, en capacidá d’acoyida, pola so costa y pola so cultura. En definitiva, pola so proyección de futuru.