Benia (Onís) abre les fiestes del segador col desfile de carros engalanaos

Los participantes baillaron la danza prima

Dende’l mediudía Benia (Onís) acueye la celebración del día grande de la Fiesta del Segador. Tres carros del país engalanaos y tiraos con tractores percorrieron la travesía de la capital oniense, acompañaos d’una comitiva formada por vecinos y vecines de toles edaes, vistíos como si fueren segadores.

Na plaza del Ayuntamientu, onde los participantes baillaron la danza prima, tuvo llugar el repartu de la parva del segador pol zagal y la zagala d’estes fiestes que vivirán esta tarde los sos tradicionales xuegos rurales.