El llagar Sidra Mayador gana'l premiu Eloxu d'oru 2024

José Cardín Zaldívar, ex-xerente d'El Gaitero, reconocíu pola so trayectoria profesional

El llagar Sidra Mayador foi’l ganador del premiu Eloxu d’oru 2024. Un galardón que reconoz a la meyor sidra de la Fiesta de la sidra natural, que se celebró esta mañana en Xixón. Gran ambiente nesta cita que tamién premió la trayectoria profesional de José Cardín Zaldívar, ex-xerente del grupu El Gaitero.

Ocho variedaes de sidra yeren les finalistes y, dempués d’una primer preba, dos yeren les qu’algamaben la meyor puntuación. Dempués d’una segunda deliberación, l’Eloxu d’oru recayía na sidra M. Busto del llagar maliayés Sidra Mayador.

Con un llamamientu a la unidá del sector de la sidra recibía’l premiu Tonel d’oru José Cardín Zaldívar. Los llagares participantes reconocíen asina la so trayectoria de mediu sieglu nel grupu El Gaitero.

Diecinueve llagares participaron nesta edición. En dos hores repartieron sidra a les miles de persones que s’averaron a esta gran cita sidrera. El preciu, cinco euros la docena de culinos.

El dineru recaldao na fiesta dirá a parar a l’asociación Galbán.