El Campoamor prepárase pa 'Anna Bolena'

La ópera de Donizetti ye'l primer títulu de la temporada que se pon n'escena'l 7 de setiembre

La hestoria d'Anna Bolena, segunda muyer d'Enrique VIII y axusticiada na Torre de Londres, cautivó en 1830 al mundu y consagró a un mozu Donizetti como unu de los grandes talentos del momentu n'Italia y n'Europa. Esta ye la carta de presentación de la temporada d'ópera d'Uviéu, onde vamos poder ver el xuegu de poder qu'exerció'l rei inglés sobro la so corte señala Emilio López, director d'escena.

Sabina Puértolas encarna a Anna Bolena y vuelve asina al Teatru Campoamor, un teatru que siente con ciñu y del qu'espera salir triunfante pese a lo difícil de l'actuación asegura Sabina Puértolas, sopranu. Esta zaragozana, casada con un mierense, foi nomada anguaño embaxadora de La Mierensía. Siente Asturies mui cerca y valora sobre manera la gran cantidá d'arte qu'hai equí.

Anna Bolena espéranos nel Campoamor con 4 actuaciones del 7 al 14 de setiembre.