Flaco Rodríguez, ún de los cinco finalistes del Concursu Internacional de Canción d'Autor 'Sabina por aquí'

El premiu ye grabar un discu nel estudiu de Sabina

Guitarra en mano’l mozu cantante lluanquín Flaco Rodríguez buscará cola so música convertise’l 14 de setiembre viniente nel ganador del Certame Internacional de Canción d’Autor 'Sabina por Aquí' que se celebra n’Úbeda.

Ye ún de los cinco finalistes del concursu nel qu’interpretará en directo dos temes de so y una versión de Sabina de la canción 'Siete crisantemos'.

'Flaco Rodríguez' ye’l so nuevu nome artísticu dempués de ganar en 2022 el premiu AMAS a artista revelación. Agora trabaya nel que sedrá yá’l so segundu discu qu’espera asoleyar na primavera de 2025 con temes como 'Todo nos rodea'.