Rosa María Menéndez va repasar les sos anécdotes como uvieína d'adopción nel pregón de San Mateo

Les casetes gastronómiques yá tán personalizaes y decoraes pa la ocasión

Ser per cinco años la primer muyer que presidió'l Conseyu Superior d'Investigaciones Científiques nun sabemos si implica tanta responsabilidá como dar un pregón. La investigadora Rosa María Menéndez lleva preparando'l suyu pa San Mateo dende agostu y nél va repasar les sos anécdotes como uvieína d'adopción.

El so discursu y el chupinazu de los xugadores del Real Oviedo Genuine van ser l'arranque d'unes fiestes de San Mateo, con casetes gastronómiques, per primer vegada, personalizaes y decoraes pa la ocasión.

Va repitir como escenariu de conciertos gratuitos la cai Uría, tres l'ésitu de los últimos años, destaca Covadonga Díaz, conceyala de Festexos d'Uviéu.

Nos conciertos de pagu, en La Ería, dellos artistes colgaron yá'l cartelu de completu. P'Andy y Lucas, qu'abren esta nueche los conciertos, inda queden entraes.