Recreación de la Revolución d'Asturies del 34 en San Román

Gran asistencia de públicu nesta cita histórica añal en Candamu

L'Asociación Frente del Nalón celebró güei les décimotercer xornaes de recreación histórica pa dar vida a la Revolución d'Asturies de 1934, en cuenta d'escenificar la Guerra Civil, como faen cada añu. Un finxu históricu que cumple anguaño'l so 90 aniversariu.

Más de 120 recreadores de toles partes del país representaron les xornaes históriques de la Revolución d'Asturies de 1934.

L'españíu, la toma de los cuarteles de la Guardia Civil de les cuenques mineres y la marcha pa Uviéu, too ello llevóse alantre en tres representaciones que l'Asociación Frente del Nalón llevó alantre en San Román (Candamu).

Dinamita, escopetes, fumu, guardies civiles y revolucionarios, octavielles, persecuciones y represión. Una fiel representación de lo socedío esos díes d'ochobre del 34 pal control de les cuenques mineres y los blindaos pa llegar a Uviéu.

Una xornada que cuntó con una gran asistencia de públicu que terminó ente aplausos y contentu pola gran interpretación de los fechos acaecíos.

Un viaxe nel tiempu, que Candamu repite añu a añu pa conocer de primer mano lo socedío en dómines pasaes.