José Rey gana'l primer premiu del Certame de Fotografía sobro Patrimoniu Industrial Incuna

Les fotografíes ganadores van amosase nel Antiguu Institutu de Xixón hasta'l 4 d'ochobre

El fotógrafu José Rey gana'l primer premiu del Certame Internacional de Fotografía sobro Patrimoniu Industrial Incuna. Na obra ganadora, titulada 'El gran alambique', pue vese una enorme estructura de cobre emplegada pa destilar alcohol nuna bodega de Castilla La Mancha.

El xuráu tamién dio un premiu accésit a Xavier Ferrer pola fotografía 'Calcineros'.

Los xueces destacaron la guapura estética y la calidá técnica de les dos obres.

Les fotografíes ganadores, xunto al restu d'obres finalistes, van amosase nuna muestra que va poder visitase nel Antiguu Institutu de Xixón hasta'l 4 d'ochobre.