Primer avance de programación del Festival Internacional de Cine de Xixón

La 62 edición del FICX apuesta pol cine contemporáneo más arriesgao y vanguardista

El Festival de Cine de Xixón, que se celebrará del 15 al 23 de payares, sigue apostando por dar voz al cine contemporáneo más arriesgao y vanguardista. Acaba de desvelase’l primer avance de la programación de la que sedrá la so edición númberu 62.

El cineasta francés, Bruno Dumont, un vieyu conocíu del festival vuelve a Xixón pa presentar 'L'empire', la película cola qu’algamó l’Osu de Plata na pasada edición de la Berlinale. Amosaráse na sección Albar, onde tamién tará Claire Simon con 'Elementary'. Una película que retrata dende un puntu de vista’l sistema educativu francés. Xunto a elles tará’l film 'Eight postcars from Utopia', una cinta rumana que describe la historia del país con spots publicitarios emitíos en tres décades diferentes.

Na sección Retueyos, volverán a competir una selección de películes de cineastes emerxentes. L’arxentín Hernán Roselli tará presente esti añu col film 'Algo viejo, algo nuevo', inspiráu na historia d’una familia que se dedica al negociu d’apuestes clandestines. Tamién en Retueyos participará la portuguesa Marta Mateus cola película 'Fogo do vento', o Cecile Embleton cola obra 'Mother Vera'.

La edición de 2024 llegará con novedaes y ye que’l festival estrena una nueva sección: FICX Premiere. Nesta categoría amosaránse una serie de películes que tendrán la so premier española dientro del festival.