Día grande de les fiestes de San Matéu

La 'Sociedad Ovetense de Festejos' reparte 2.500 bollos preñaos

Un San Matéu d’éxitu, ensin incidentes y marcáu pol últimu acontecimientu políticu na ciudá, la robla del conveniu de La Vega, ye’l balance del alcalde de d’Uviéu, Alfredo Canteli, sobre unes fiestes a piques de rematar.

Un total de 2.500 bollos preñaos cola so correspondiente botella de sidra repartió la 'Sociedad Ovetense de Festejos' nun día onde’l tiempu nun acompaña, pero onde se cumple la tradición.

Cúmplese por exemplu en familia, polos que son socios de tola vida y de los que participen per primer vegada.

La 'Sociedad Ovetense de Festejos’ tien 5.800 socios, 1.200 de fuera d’Uviéu, y nel últimu recuentu cuntó con 600 nueves altes y namás dos baxes por muerte.

Un balance mui positivu tamién pa celebrar nesti día grande de les fiestes de San Matéu.