Lucía González, pol so Allande Stars, reconocida como Muyer Rural d'Asturies 2024  

L'actu d'entrega del galardón Muyer Rural d'Asturies 2024 celebraráse'l 15 d'ochobre viniente

La promotora d’Allande Stars, Lucía González Cuesta, foi escoyida esti vienres Muyer Rural d’Asturies 2024 na séptima edición del galardón convocáu pola Rede Asturiana de Desendolcu Rural (READER), a la qu’aspiraben 41 candidatures.

El xuráu valoró la trayectoria de Lucía González, pola "actividá anovadora que fai, consistente na divulgación científica de l’astronomía nel mediu rural y la consiguiente xeneración de recursos de turismu científicu y astroturismu".

L’actu d’entrega del galardón Muyer Rural d’Asturies 2024 celebraráse’l 15 d’ochobre viniente, por mor del Día Internacional de les Muyeres Rurales, na Antigua Fábrica Ortiz, en Candás.

Lucía García (Cereceda, Allande), de 38 años, ye llicenciada en Física pola Universidá d’Uviéu, máster n’Astrofísica pola Universidá de la Laguna y doctora n’Astrofísica pol Institutu d’Astrofísica de Les Canaries.