La XII Ruta de los Vaqueiros d'Alzada homenaxa a la treshumancia d'Asturies a Torrostigu

Hasta los años 60 munches families ficieron la ruta a pie y güei percuérrela Sergio Maté en siella de ruedes

Sergio Maté percuerre en siella de ruedes el camín que ficieron munchos años los sos antepasaos, vaqueiros d’alzada. La treshumancia d’Asturies a Torrostigu, en Lleón. Nun va solu. Acompáñenlu los que quieren recordar esta tradición y forma de vida. Ente ellos so madre Consuelo y so güela Selina Rodríguez qu’hasta los 10 años fizo esa ruta, de Pruvia a Torrostigu.

Dende los años 60 la ruta yá nun se fai a pie, pero a día de güei entá queden nueve families del centru d’Asturies que yá con camiones siguen cruzando colos animales hasta Lleón.

Como Selita, que con 89 años entá xube les vaques dende Siero. Llámenla la última vaquera. Porque dicen qu’esto de ser vaqueiru d’alzada de Torrostigu llévase na sangre.