La Ópera d'Uviéu estrena una nueva producción de 'El barbero de Sevilla' con cinco funciones

Les representaciones van cuntar cola batuta de Lucía Marín al mandu de la orquesta Oviedo Filarmonía

La Ópera d'Uviéu estrena una nueva producción de 'El barbero de Sevilla', una de les cumes del arte cómicu de Rossini, con Rita Cosentino na dirección escénica.

Les cinco representaciones previstes hasta'l 12 d'ochobre nel Teatru Campoamor van cuntar cola batuta de Lucía Marín al mandu de la orquesta Oviedo Filarmonía.

Ye la cuarta muyer que dirixe la orquesta na hestoria de la ópera uvieína. Nel repartu vocal de la célebre ópera bufa destaquen Nico Darmanin, Karina Demurova y el barítonu asturianu David Menéndez, que debuta nel papel de Bartolo.