Alejandro Braña Vigil noma dende güei una rotonda na redolada del HUCA

La reconocencia premia la llarga trayectoria del ciruxanu ortopédicu

El ciruxanu ortopédicu Alejandro Braña Vigil noma dende güei una rotonda n'Uviéu. Braña Vigil, con 51 años de carrera profesional, foi médicu traumatólogu nel Hospital Monte Naranco y nel Hospital Xeneral d'Asturies, onde llegó a xefe de serviciu del área de Ciruxía Ortopédica y Traumatoloxía. Tamién exerció 14 años nel Hospital Central.

La rotonda que lleva'l so nome ta asitiada na redolada del HUCA. El Conceyu decidió da-y esa distinción en reconocencia a la so llarga trayectoria.

Esta mañana inauguróse la placa col so nome en presencia del alcalde y d'amigos y familiares del médicu.